mamayang gabi maghuhugas ako ng plato,
magpaplantsa na rin ng mga damit ko,
magsasampay na ng nakalimutang labada,
para kunyari ayos lang na wala ka na.
mamayang gabi isasaayos ko ang magulo,
liligpitin mga nakakalat na alaala mo.
isasalansan, itatabi, sa kabinet ang tungo,
nang lumuwag man kahit konti ang mundo.
mamayang gabi maghuhugas ako ng plato,
lahat siguro ng pwedeng gawin gagawin ko,
para di na ko mag-isip ng kung anu-ano,
gaya ng kung iniisip mo pa rin kaya ako.
18:39 2008/07/15
————-
goshdarnit. kelangan ko na magsampay at magplantsa. kung bakit kasi ang tamad-tamad-tamad ko’t ayoko pa gawin yun eh. wala na pala akong isusuot bukas. hee.
hehehe, parang housewife na iniwan ng asawa ah
hahahaha, sabi na nga ba magiging good wife ka someday eh. marunong maglaba, maglinis ng bahay at maghugas ng pinggan :))
ako rin kelangan maglaba, maghugas ng kinainan, maglinis ng kwarto, etc.. :))
madam: lahat ng tatlo mong sinabi puro BATSU! bwahaha.
gabebibobu: hindi na yata pwedeng i-ignore ang chores bwahaha. nakakasira rin ng ulo eh.
agree ako ke madam. kaso di ka marunong magluto wahahahhaa.
meemax: kung pwede lang bang kainin ang sarcasm at pambababara at pang-aalaska, yun na lang ang daily meal eh :))